Umuhanzi Adekunle Gold azagaragara ku ndirimbo “Jeezu” aho azaba ari kumwe n'abaraperi b’Abanyamerika bakomeye nka Doja Cat na Kodak Black.
Mu gihe ku rundi ruhande, Yemi Alade ari kumwe n’umuhanzi Jeymes Samuel mu ndirimbo yitwa “Sacred Love”.
Adekunle Gold na Yemi Alade bahuriye kuri uwo muzingo n'ibihangange birimo Jay-Z, Lil Wayne Doja Cat n'abandi
Uyu muzingo w’indirimbo zitandukanye zizumvikana muri iyo filime, biteganijwe ko ugomba kugera hanze tariki 12 Mutarama 2024 ubwo iyi filime izaba imurikwa ku mugaragaro muri Amerika, akaba ari umuzingo uriho n’ibindi byamamare nka Jay Z, Jorja Smith, Lil Wayne, Shabba Ranks, Kid Kudi, na Buju Banton.
Iyi ntabwe Yemi Alade na Adekunle Gold bateye yongeye gushimangira ubukaka n’ubushonhore bwa Afrobeats, cyane ko atari bo bahanzi bonyine bo muri Nigeria babikoze.
Mu 2022, Burna Boy, Rema, CKay, Fireboy, Tems na Bloody Civilian, bagaragaye ku muzingo w’indirimbo zakoreshejwe muri filime ya “Black Panther: Wakanda Forever”.
Mu 2023, Wizkid, Omah Lay, na Ayra Starr bose bagaragaye kuri Album y’indirimbo zakoreshejwe muri filime ya “Spiderman: Across The Spider-Verse”.
Burna Boy, Rema, CKay, Fireboy, Tems na Bloody Civilian, na bo bakoze amateka nk'aya muri 2022
Ndetse ntitwanarenza ingohe umuhanzi ukirimo kuzamuka Konstance, na we wagaragaye ku muzingo w’indirimbo zakoreshejwe muri filime yakunzwe cyane yitwa “The Color Purple.
