Umunya-Burkina Faso Steve Simo Kayo yamaze gusinya amasezerano y’imyaka 2 mu ikipe ya Gasogi United ivuga ko intego ari igikombe cya shampiyona muri uyu mwaka w'imikino.
Uyu musore w’imyaka 21 ukina hagati mu kibuga asatira izamu, aje muri iyi kipe avuye ikipe yitwa Colombe du Sud y'iwabo muri Burkina Faso, bivugwa ko Gasogi yamurangiwe n’umunya Cameroon Ngono Guy Hervé, ndetse bakaba bizeye ko arabafasha cyane, kuba batwara shampiyona yabo ya mbere uyu mwaka.
Mu gihe hagiye gutangira igice cya kabiri cya shampiyona y'ikiciro cya mbere mu Rwanda 2022-2023, Gasogi United yasoje igice cya mbere iri ku mwanya wa kane n'amanota 28 ikaba irushwa amanota abiri na AS Kigali iri ku mwanya wa mbere.
