Ni tombora yabaye kuri uyu wa Gatanu nyuma y'uko imikino ya kimwe cya kane yasojwe mu ijoro ryo ku wa Kane tariki 16 Werurwe 2023.
Ikipe ya Manchester United yongeye gusubira muri Espagne nyuma yo gukuramo FC Barcelona na Real Betis, yatomboye FC Sevilla imaze gutwara igikombe cya Europa League inshuro eshanu.
Uko amakipe yatomboranye
Ni mu gihe kandi Juventus yatomboye Sporting Lisbon yaraye ikuyemo Arsenal, ikipe izatsinda aha ikaba izahura n'izatsinda hagati ya Manchester United na Sevilla muri kimwe cya kabiri.
Ku rundi ruhande Feyenoord yatomboye AS Roma itozwa na Jose Mourinho, ikipe izatsinda izahura n'izatsinda hagati ya Bayer Leverkusen na Royale Union SG.
Imikino ibanza izaba tariki 13 Mata 2023 naho iyo kwishyura ibe tariki 20 Mata 2023. Biteganyijwe ko umukino wa nyuma uzakinwa tariki 31 Gicurasi 2023 ukaba uzabera kuri Puskás Aréna i Budapest muri Hungury.
Stade izaberaho umukino wa nyuma