Ku wa Gatatu tariki 15 Werurwe 2023 nibwo hasojwe imikino ya kimwe cya munani cya UEFA Champions League, hakaba hari hateganyijwe tombora y'uko amakipe azahura muri kimwe cya kane cy'iri rushanwa.
Iyi tombora yasize igaragaje ko muri kimwe cya kane, Real Madrid izahura na Chelsea, Manchester City igahura na Bayern Munich, Benfica itombora Inter Milan naho AC Milan itombora Napoli.
Uko amakipe azahura muri kimwe cya kane
Ikipe ya Napoli na Manchester City niyo makipe asigaye muri aya makipe umunani atarabasha kwegukana iki gikombe cyubashywe kurenza ibindi bikombe bikinirwa n'amakipe(club).
Imikino ibanza ya kimwe cya kane izakinwa tariki 11 Mata 2023, mu gihe imikino yo kwishyura izaba tariki 18 Mata 2023.
Ikipe izatambuka hagati ya Manchester City na Bayern Munich izagera muri kimwe cya kabiri ihure n'ikipe izaha yatambutse hagati ya Chelsea na Real Madrid.
Ni mu gihe kandi ikipe izatsinda hagati ya AC Milan na Napoli izagera muri kimwe cya kabiri igahura n'ikipe izaba yatambutse hagati ya Inter Milan na Benfica.
Imikino ya kimwe cya kabiri yo izakinwa tariki 09 Gicurasi, iyo kwishyura ikaba tariki 16 Gicurasi 2023. Umukino wa nyuma 10 Kamena 2023, ukaba uzabera kuri Atatürk Olympic Stadium Instanbul muri Turikiya.
Ikibuga kizakinirwaho umukino wa nyuma (Net-photo)
