Uyu mukino wabaye mu cyumweru gishize ariko amashusho ndetse n'amafoto abigaragaza ko wabaye yashyizwe hanze ku munsi w'ejo, ukaba warabereye mu murwa mukuru wa Burkina Faso 'Ouagadougou'.
Ikipe ya 'PréFaso' (ibiro bya perezida) yari iyobowe na Perezida Captain Ibrahim Traoré ndetse niwe wari kapiteni w'iyi kipe, mu gihe ikipe y'ababigize umwuga yari iyobowe n'abarimo Bertrand Traoré, Alain TRAORÉ, Bakary KONÉ, Moumouni DAGANO, Mohamed KOFFI, Préjuce NAKOULMA, Patrick MALO, na Edmond TAPSOBA.
Uyu mukino warangiye ikipe ya Perezida Ibrahim Traoré (PréFaso) itsinze ibitego bitatu kuri kimwe (3-1), ndetse Traore yatsinzemo igitego yabonye kuri penaliti.
Si ubwa mbere umukino nk'uyu ukinwe, kuko no mu mwaka 2023 na 2024 warakinwe, ndetse muri izo nshuro zose wakinwe ntabwo iyi kipe y'ababigize umwuga iratsinda iyo mu biro bya perezida (PréFaso).
Mu mafoto yakwirakwiriye ku mbuga nkoranyambaga yerekanye ko n'umuzamu wa Manchester United Andre Onana ari mu bitabiriye uyu mukino, nyuma y'uko mu minsi ishize hagiye hanze amafoto amugaragaza aha impano y'umupira perezida Traoré.
Umuzamu wa Manchester United Andre Onana ari mu bitabiriye uyu mukino
Perezida wa Burkina Faso Captain Ibrahim Traoré yatsinze igitego kuri penaliti
