Sadio Mane w'imyaka 31 yamaze kuva mu ikipe ya Bayern Munich yari amazemo umwaka umwe, yerekeza mu ikipe ya Al Nassr yo muri Saudi Arabia.
Uyu munya-Senegal yatanzweho miliyoni 27.5 z'amapawundi, ikipe ya Al Nassr ikaba izongeraho izindi miliyoni 7.5 bitewe n'uko azitwara muri iyi kipe yo muri Saudi Arabia.
Mu masezerano y'imyaka itatu Mane yasinye muri Al Nassr, azajya ahembwa ibihumbi 650 by'amapawundi ku cyumweru, akaba ari mu bakinnyi bazajya bahembwa amafaranga menshi ku isi.
Mane yerekeje mu ikipe ya Bayern Munich mu mpeshyi ishize aguzwe miliyoni 35 z'amapawundi, nyuma yo gutsinda ibitego 120 mu mikino 269 yakinnye mu myaka itandatu yari amaze muri Liverpool.
Ariko ntabwo uyu musore byamugendekeye neza mu Budage nk'uko byari byitezwe, bikaba binatumye atandukana nayo nyuma y'umwaka umwe gusa.
Sadio Mane yamaze gusinyira Al Nassr (Net-photo)
