Ku munsi w’ejo ku wa Mbere, tariki ya 15 Mutarama, umuyobozi w’umujyi wa Miami, Francis Suarez hamwe n’umudepite mu nteko ishinga amategeko muri Leta Zunze Ubumwe za Amerika Frederica Wilson, bashyikirije umuraperi Rick Rick Ross urufunguzo rw’umujyi wa Miami, binatangazwa ko ibihangano bye bigiye gushyirwa mu isomero rya Kongere.
Tubibutse ko Rick Ross atariwe umuhanzi wenyine wahawe urufunguzo rwicyubahiro mu mujyi avukamo, kuko hari n’abandi baraperi bahawe icyubahiro nk’iki, barimo Drake, Wiz Khalifa n’abandi.
Isomero rya Kongere ni isomero rinini ku isi, rikubiyemo ibitabo, filime n'amashusho, indirimbo, amafoto, ibinyamakuru n’amakarita, ndetse iryo somero rikora nk’igikoresho nyamukuru cy’ubushakashatsi muri Kongere ya Amerika.
