Nyuma y'uko igikombe cya shampiyona cyegukanwe na APR VC mu bagore, hari hatahiwe kumenya uwegukana igikombe cya shampiyona mu bagabo nyuma y'uko guhera ejo ku wa Gatandatu hakinwaga agace ka nyuma[Phase ya munani].
Aka gace ka nyuma kagiye gukinwa REG VC iyoboye urutonde aho yasabwaga kugera ku mukino wa nyuma w’agace gasoza iyi shampiyona, igahita yegukana igikombe.
REG VC yageze muri 1/2 itsinda APR VC maze amaseti 3-1 (25-18, 17-25, 25-19 na 25-18), maze ihita igera ku mukino wa nyuma nk'uko yabisabwaga.
REG VC yahise yegukana igikombe cya shampiyona kuko Gisagara yarushaga inota rimwe n'iyo yagera ku mukino wa nyuma ikanatsinda REG VC, amakipe yombi yanganya amanota ubundi hakarebwa ikipe yegukanye uduce twinshi, bagasanga ari REG VC.
REG VC yegukanye igikombe ikurikiwe na Gisagara VC
