Iyi Orchestre yabigezeho kuri iki cyumweru tariki 06 Nyakanga 2025, mu Karere ka Recklinghausen mu Burengerazuba bw'u Budage.
Mu mwaka 2018 ni bwo i Hong Kong mu Bushinwa Orchestre yari igizwe n'abantu 1,021 yaciye agahigo ko kuba ari yo yari igizwe n'abantu benshi kuruta izindi zose zabayeho ku Isi yari yaririmbye ikanacuranga indirimbo.
Iyi yo mu Badage yari igizewe n'abantu 1,353 , nubwo babanje kubangamirwa n'imvura igihe bari bagiye gutangira igikorwa cyabo.
Bacuranze indirimbo yitwa “Ode to Joy” yanditswe na Ludwig van Beethoven, Umuyobozi mukuru w’umuziki w'iyi Orchestre, Rasmus Baumann yavuze ko guhitamo iyi ndirimbo ari kubera ko ari “indirimbo ikwiriye kandi ibereye ibirori bikomeye nk’ibi.”
Tubibutse ko ikigo 'Guinness World Record' cyandika mu bitabo byacyo abaciye uduhigo mu bintu bitandukanye nta mafaranga kigenera abaciye uduhigo ku Isi nk'uko byemejwe n'iki kigo ubwacyo mu mwaka wa 2022.
"Inshingano yacu ni ugushimira abahize abandi ku Isi, gutera abantu bose imbaraga, kubashimisha no kubamenyesha. Ku bw’iyo mpamvu, ntitwishyura abantu bakoze agashya."
Agahigo kaherukaga kakuweho kari karakorewe mu Bushinwa
Guinness World Records ivuga ko itishyura abaciye uduhigo mu bintu bitandukanye
