Umugabo uherutse kugaragara mu mashusho yaciye ibintu hirya no hino mu cyumweru gishize asimbukira umucamanza mu rukiko akamufata mu ijosi mu gace ka Clark County, muri Nevada, yagarutse mu rukiko ku wa mbere maze akatirwa na WA mucamanza yataye ku wa kajwiga, nubwo atari ibyo yazize.
Deobra Redden aherutse guta umucamanza ku wa kajwiga
Deobra Redden, w'imyaka 30, yakatiwe igifungo cy’amezi 19 n’imyaka ine kubera icyaha cy’urugomo rugamije gukomeretsa.
Ubwo yagarurwaga mu rukiko, amaboko yari ahambireye, yafunzwe umunwa, ndetse apfutse no mu maso.
Umucamanza Mary Kay Holthus watawe ku wa kajwiga, yashimangiye ko igihano yakatiwe n’ubundi ari cyo gihano yagombaga guhabwa, gusa akaza kumusagarira ataratangaza icyemezo cy’irukoko
Uyu mucamanza kandi, yatangaje ko icyo ari igihano yahawe k’ubw’ibyaha yaregwaga mbere, ariko ko ibyo aherutse gukorera mu rukiko byo azabiburanishwa n’irindi rukiko mu minsi iri imbere.
Urwo rugomo rwabereye mu rukiko mu cyumweru gishize ku wa Gatatu, nyuma yuko Redden n’umwunganizi we bari basabye umucamanza kuba afunguwe aho gukomeza kuburana afunze, gusa umucamanza akabatera utwatsi.
Deobra Redden yagariwe mu rukiko ahambiriye amaboko yafunzwe umunwa
Umucamanza Holthus yahise abatera utwatsi, ahubwo abibutsa ibyaha aregwa birimo ihohoterwa rikorerwa mu ngo ndetse n'ubujura, maze Redden akibyumva aramusimbukira amuta ku wa kajwiga akubita hasi.
CNN yavuze ko umucamanza w'akarere yavuze ko ibiro bye birimo gusuzuma ibimenyetso bitegura kurega uyu mugabo Redden.
