Ku wa Kabiri tariki 06 Kamena 2023 nibwo ikipe ya Kiyovu Sports ibinyujije mbuga nkoranyambaga zayo, yashimiye umugande Elisa Ssekisambu ndetse n'umunyafurika y'epfo Riyaad Norodien bayikinaraga muri uyu mwaka.
Kuri iyi nshuro iyi kipe byitezwe ko izabamo impinduka zifatika mbere y'uko umwaka w'imikino 2023/2024 utangira, yamaze gushimira abatoza bayo babiri.
Aba batoza ni Dabo Saydou wari ushinzwe kongerera imbaraga abakinnyi, ndetse na Mateso jean de Dieu wari umutoza wungirije ariko akaba yaratoje imikino myinshi muri shampiyona y'uyu mwaka ari umutoza mukuru ubwo Andre Landeut yari yarahinduriwe inshingano.
Usibye aba bane bamaze gushimirwa n'iyi kipe, byitezwe ko hari abandi bakinnyi ndetse b'inkingi za mwamba bazatandukana n'ayo bakajya mu yandi makipe ahanganye nayo muri shampiyona y'u Rwanda.
Muri aba bavugwa harimo nka Serumogo Ali, myugariro Thierry, Mugenzi Bienvenue, Bigirimana Abedi na Nshimiyimana Ismael Pitchou n'abandi.
Kiyovu Sports yabuze igikombe cya shampiyona inganya amanota na APR FC, ariko iyirusha ibitego. Abakunzi b'iyi kipe baribaza niba mu mwaka utaha w'imikino izagaruka mu makipe ahatanira igikombe, ariko mu magambo y'abayobozi nka Mvukiyehe Juvenal humvikanamo ikizere.
Mu bashimiwe harimo na Mateso
