Nyina wa Beyonce, Tina Knowles yabaye ararira ayo kwarika, nyuma yuko inzu ye yo mu gace ka Los Angeles bivugwa ko iherutse kumenwa n'abajura.
Nk’uko ikinyamakuru TMZ kibitangaza, ngo rwiyemezamirimo w’imyaka 69 yibwe miliyoni imwe y’amadolari n’imitako, nyuma yuko abajura bamaze kwiba bakagenda nta nkomyi.
Ntiharamenyekana uburyo abajura bashoboye bashoboye kwinjira mu nzu maze bakica umutamenwa warimo ayo mafaranga n’imikufi.
Tina Knowles bivugwa ko yibwe miliyoni imwe y'amadorari
Abashinzwe umutekano barimo gukora iperereza kuri ubu bujura, gushakisha amashusho y'ibenyetso no kuvugana n’abaturanyi kugira ngo babone amakuru.
Ibi bibaye nyuma yuko mu mezi yashize, Knowles yahamagaye abapolisi muri Mata nyuma yo kumva urusaku rudasanzwe imbere y'urugo rwe.
Amakuru avuga ko polisi yasanze ari umugabo wateraga amabuye ku gasanduku k’amabaruwa yo muri uru rugo.
Raporo y’abapolisi, ivuga ko ukekwa yahunze nyuma yuko abapolisi bageze aho. Ariko kajugujugu yari hejuru yashoboye gukurikirana intambwe z’uyu mugabo, nuko ahita afatwa ajyanwa muri gereza.
Bivugwa ko uyu mugabo yitwaye mu buryo budasanzwe maze agashyirwa ahafungirwa abafite ibibazo by'uburwayi bwo mu mutwe.
