Mohammed Salah yageneye abafana ba Liverpool ubutumwa bwuzuye agahinda nyuma yo kunanirwa kubona itike yo gukina UEFA Champions League.
Ikipe ya Liverpool yagumye ku mwanya wayo wa gatanu kur rutonde rw'agategango rwa shampiyona, ndetse byemejwe ko ari naho igomba gusoreza nyuma y'uko Manchester United yaraye itsinzi Chelsea ibitego 4-1.
Nyuma yo kubona ko ikizere cya Champions League kiyoyotse, Salah yagiye ku mbuga nkoranyambaga ze agenera abafana ba Liverpool ubutumwa.
Ati:"Ndababaye cyane. Mu by'ukuri nta rwitwazo ruhari kuri ibi. Twari dufite buri kimwe twari dukeneye ngo tujye muri Champions League y'umwaka utaha ariko twananiwe kubikora. Turi Liverpool kandi kubona itike y'irushanwa ni ibintu bito. Mutubabarire ariko ni vuba tukongera kuzamuka ndetse tukagira ikizere. Twabashyize hasi natwe tutiretse."
Nyuma yo gutangira nabi umwaka w'imikino, Liverpool yagerageje kubyuka igaruka guhatanira itike ya Champions League. Iyi kipe ntiyigeze itsindwa mu mikino icumi iheruka kuko yatsinzemo irindwi ikanganya itatu, ariko ibi ntibyari bihagije ngo ibone itike ya Champions League.
Manchester City, Arsenal, Manchester United na Newcastle United niyo makipe y'abongereza azajya muri Champions League, mu gihe Liverpool na Brigjton&Hove Albion zizajya muri Europa League.
Ikizere cya Champions League kuri Liverpool cyayoyotse(Image:Getty)
