Ikipe ya Manchester City irabura imikino irindwi gusa igakora amateka atarakorwa n'indi kipe yo mu Bwongereza usibye mukeba wayo Manchester United, mu gihe yaba ibashije kuyitwaramo neza.
Iyi kipe isigaje imikino ine muri Premier League, izahurira na Manchester United ku mukino wa nyuma wa FA Cup ndetse iracyafite n'amahirwe yo kuba yakwegukana igikombe cya UEFA Champions League.
Byitezwe ko kwegukana igikombe cya Premier League bizasiga iyi kipe yinjije asaga miliyoni 164 z'amapawundi, amafaranga angana n'ayo iyi kipe yinjije muri shampiyona y'umwaka ushize.
Ni mu gihe kandi mu gihe iyi kipe itozwa na Pep Guardiola yabasha kwegukana UEFA Champions League bwa mbere mu mateka yayo, iki gikombe cyayihesha kwinjiza miliyoni 117.2 z'amapawundi.
Manchester City izinjiza akayabo binyuze mu gutwara ibikombe(Image:Getty)
Mu gihe Manchester City yabasha gukuramo Real Madrid ikagera ku mukino wa nyuma wa Champions League, yazajya gukina uyu mukino nyuma yo gukina umukino wa nyuma wa FA Cup na Mancheater United. Mu gihe yabasha gutwara iki gikombe yahabwa miliyoni 3.9 z'amapawundi, wayateranya yose akaba miliyoni 285.1 z'amapawundi mu gihe yabasha gutwara ibyo bikombe byose.
Mu mikino ine ya shampiyona Manchester City isigaranye, irasabwa amanota ikenda ikegukana igikombe ititaye ku buryo Arsenal izaba yitwaye mu mikino itatu isigaranye, bakaba bazatangirira kuri Everton ku Cyumweru.
