Myugariro Harry Maguire ashobora guhabwa miliyoni 10 z'amapawundi na Manchester United kugira ngo ave muri iyi kipe ashake ahandi yerekeza muri iyi mpeshyi.
Mu 2019 nibwo Manchester United yakuye Harry Maguire muri Leicester City imuguze miliyoni 80 z'amapawundi, akaba yarasinye amasezerano y'imyaka itandatu bivuze ko ubu asigaje imyaka ibiri.
Inkuru dukesha ikinyamakuru Daily Mail ivuga ko uyu mugabo uhembwa ibihumbi 190 by'amapawundi ku cyumweru, Manchester United isabwa kumuha miliyoni 10 z'amapawundi kugira ngo ave muri iyi kipe ashake ahandi ajya.
Kuva Erik Ten Hag yafata Manchester United yagaragarije Harry Maguire ko atari muri gahunda ze, aho yakinnye imikino 16 yonyine muri uyu mwaka, mu gihe umutoza yakoreshaga Varane, Lisandro, Shaw na Linderlof mu mutima w'ubwugarizi.
N'ubwo uyu mugabo w'imyaka 30 aherutse guhamagarwa mu ikipe y'igihugu y'u Bwongereza yitegura imikino yo gushaka itike ya Euro2024, umutoza Gareth Southgate nawe aherutse kumuha gasopo ko atazakomeza guhamagarwa mu gihe adakina mu ikipe ye.
Umutoza Erik Ten Hag afite gahunda yo kurekura abakinnyi benshi muri iyi mpeshyi, ndetse mu basohoka harimo Harry Maguire ariko bigoranye kubona ikipe izamugura, iyi akaba ariyo mpamvu hashobora gufatwa ikemezo cyo kumwishyura amasezerano ye agaseswa akaba yakwishakira indi kipe.
Hari ubwoba ko Harry Maguire yaba akabuze umuguzi
