Mu mukino ikipe ya Manchester City yaraye itsinzemo Aston Villa ibitego 3-1, rutahizamu Erling Haaland ntiyakinnye igice cya kabiri kuko yasohotse mu kibuga yagize imvune ku kibero.
Pep Guardiola avuga kuri iyi mvune ya Haaland yavuze ati:"Ntabwo mbizi, yagize ikibazo kandi ntabwo yumvaga ameze neza. Umuganga ntabwo yifuje ko twamushyira mu bibazo.
"Naba atameze neza tuzakinisha undi. Ndizera ko azaba ameze neza nk'undi wese ariko tuzareba."
Haaland umaze gutsinda ibitego 25 muri Premier League y'uyu mwaka ni imwe mu ntwaro ngenderwaho za Pep Guardiola muri Manchester City azajyana Emirates ku wa Gatatu gusura Arsenal.
Pep Guardiola yafashe umwanzuro wo kumukura mu kibuga hakiri kare kuko yari yamaze no kubona ibitego bitatu muri Aston Villa ya Unai Emery.
Manchester City yabonye amanota atatu yatumye igira amanota 48 yegera Arsenal ifite amanota 51 ku mwanya wa mbere, Arsenal yo ikaba yaranatakaje amanota abiri nyuma yo kunganya na Brentford 1-1.
Erling Haaland arakomeza gusuzumwa
