Umuririmbyi wo muri Tanzaniya, Diamond Platnumz ategerejwe i Kampala kugira ngo azataramire Abanya-Uganda mu gitaramo cyo gukusanya inkunga ku wa 14 Nyakanga 2023.
Ikigo 'Comedy Store Foundation' cyateguye iki gitaramo cyo gufasha, kiratangaza ko Diamond Platnumz ariwe uzaba ayoboye abahanzi bazaririmba ndetse n'ibindi byamamare mu ngeri zinyuranye harimo n'abanyarwenya.
Diamond Platnumz ategerejwe i Kampala
Ku ikubitiro iki gitaramo cyikaba cyigamije kuzamura urubyiruko binyuze mu guhindura imitekerereze no kwiyungura ubumenyi.
Bwana Alex Muhangi, Umuyobozi Mukuru wa 'Comedy Store Foundation' avuga ko biteganijwe ko Diamond azaririmba amasaha abiri mu gitaramo cyose hamwe n'umuririmbyi w'icyamamare muri Kenya Nameless.
Abandi bahanzi bazaririmba barimo: Spice Diana, Alien Skin, Karole Kasita, Ray G, Winnie Nwagi, King Saha, Naava Gray, Zex Bilangilangi, Abeeka Band, Daddy Andre, ndetse na Eezzy.
