Anita Brown umukobwa w'umunyamedi wo muri Leta Zunze Ubumwe z'Amarika ari kubyinira ku rukoma nyuma yo gushinja umuhanzi David Adedeji Adeleke uzwi nka Davido ko yamuteye inda, bigatuma agira abamukurikira (followers) benshi ku ruta rwe rwa Instagram.
Uyu mukobwa , akaba atangaza ko kuva yavuga ko afite inda ya Davido muri Kamena 2023, amaze kunguka abamukurikira kuri Instagram barenga ibihumbi 700,000. Mu minsi itanu ya mbere agitangaza aya makuru, akaba yarahise yunguka abantu ibihumbi 500,000.
Anita Brown aratangaza ko yungutse abamukurikira barenze 700k
Mu butumwa bwo kuri Instagram, uyu Anita Brown akaba ari we ubwe witangarije ko yabonye abamukurikira bangana kuriya, mu gihe kuri ubu afite abantu 997K. Abantu batandukanye ku mbuga nkoranyambaga bakaba bahise bibaza niba yarabikoze agamije kwibonera abamukurikira.
Mu gihe uyu Anita Brown yatangaza ko afite inda ya Davido, undi mukobwa wo mu Bufaransa Ivanna Bay na we akaba yarahise atangaza ko afite inda yuyu muhanzi, ibyateje impagarara ku mbuga nkoranyambaga, gusa uyu muhanzi, akaba yarabyimye amatwi.
Anita Brown nyuma yo kuvuga ko Davido yamuteye inda yungutse abamukurikira kuri Instagram
