Mu mpeshyi ya 2023, Mason Mount araba asigaranye amezi 12 ku masezerano ye. Uyu musore w'imyaka 24, biravugwa ko ikipe ya Liverpool yifuza kumuha amasezerano y'igihe kirekire.
Inkuru ya The Telegraph iravuga ko mu gihe Mason Mount akomeje kugorana mu kongera amasezerano kwe, hari bamwe mu bayobozi ba Chelsea batangiye gutekereza ko bashobora kumurekura mu mpeshyi.
Kuva mu 2017 aza mu ikipe ya mbere, Mason Mount amaze gukina imikino 189. Aha yatsinzemo ibitego 33 anatanga imipira 37, aho yanatwayemo UEFA Champions League atozwa na Thomas Tuchel.
Uyu musore kandi amaze gukina imikino itandatu mu ikipe y'igihugu y'u Bwongereza aho yatsinzemo ibitego bigera kuri bitanu.
Uyu musore bivugwa ko asanzwe ahembwa ibihumbi 80 by'amapawundi ku Cyumweru, ariko Chelsea ikaba ifite gahunda yo kuyakuba Gatatu mu gihe yaba yongereye amasezerano.
Ibi byose Liverpool iba ibicungira hafi ishaka uyu musore, dore ko abahanga bavuga ko kuva iyi kipe yatakaza Philippe Coutinho itarongera kubona umukinnyi ukina inyuma ya rutahizamu neza.
Mason Mount arifuzwa na Liverpool
