World Cup 2022:Uruguay na South Korea zanganyije umukino wa mbere mu itsinda G

World Cup 2022:Uruguay na South Korea zanganyije umukino wa mbere mu itsinda G

 Nov 24, 2022 - 17:48

Rwabuze gica hagati ya Uruguay na Korea y'epfo zakinaga umukino wa mbere mu gikombe cy'isi cya 2022 kiri kubera muri Qatar.

Tugeze ku munsi wa gatanu w'Igikombe cy'isi cya 2022 kiri kubera muri Qatar aho kuri uyu wa Kane aribwo amakipe yose asoza umunsi wa mbere mu matsinda aherereyemo.

Umukuno watangiye ku isaha ya saa 15:00 wahuje amakipe yombi yo mu itsinda G, akaba ari Uruguay na Korea y'epfo yacakiraniye kuri sitade ya Education City iherereye Al Rayyan i Doha muri Qatar.

Uyu ukaba kandi ari umukino wasifuwe n'umufaransa Clement Turpin usanzwe usanzwe amnyerewe cyane mu marushanwa akomeye nka shampiyona ya Ligue1 na UEFA Champions League.

Ni umukuno waranzwe no gupezanya ku mpande zombi yaba mu gice cya mbere no mu gice cya kabiri, aho buri kipe yagiye ibona amahirwe yo kuba yatsinda igitego ariko abakinnyi batandukanye bakagenda babirata.

Mu gice cya mbere myugariro wa Uruguay Diego Godin yateye umupira wavaga muri koruneri ukubita ipoto uvamo, mu gice cya kabiri nabwo Federico Valverde arekura umupira wongera kugonga ipoto.

Andi makipe abiri ari mu itsinda G aratangira umukino wayo saa 18:00 aho Potugal iraba ikina na Ghana kuri sitade ya yiswe Stadium 974, ukaba ari umukino urasifurwa n'umunyamerika Ismail Elfath.

Wari umukino utoroshye ku mpande zombi