Myugariro wa Manchester United Raphael Varane yatangaje ko bishoboka ko iyi kipe yatwara igikombe cya shampiyona nyuma yo gutsinda mukeba wayo Manchester City.
Ibi yabitangaje nyuma y'uko iyi kipe itsinze Manchester City ibitego 2-1 mu mukino wasize impaka, byatumye Manchester United isigara irushwa inota rimwe na Manchester City igihabwa amahirwe ku gikombe cya shampiyona.
Varane yagize ati:"Byose birashoboka. Tuzabitwara umukino ku mukino. Ni urugendo runini rwo kugenda kandi rurakomeye. Uburemerw bwa buri mukino butlratangaje kandi harimo imbaraga nyinshi. Buri mukino ufite uburemere nk'ubw'imikino ikomeye muri Champions League.
"Ritime iri hejuru cyane. Abakinnyi bariteguye neza cyane. Tuzi ukuntu bikomeye, ariko natwe turakomeye. Dukeneye gusa gukoresha abakinnyi(quality players) n'umupira."
Raphael Varane kandi yakomeje ashimagiza uko abakinnyi ba Manchester United bitwaye mu mukino batsinzemo mukeba wabo baturutse inyuma.
Ati:"Nyuma y'igitego cya mbere ntabwo twatumye imitwe yacu ijya hasi n'ubwo twari dutsinzwe igitego mu rugo. Twari tubizi ko dufite imbaraga z'abafana. Twakomeje gukurikira umupangu wacu, ubundi dutsinda igitego bihita bihindura umukino wose."
Varane yatangaje ibi mu gihe Manchester United irushwa amanota ikenda na Arsenal iri ku mwanya wa mbere ku rutonde rw'agateganyo rwa Premier League yaraye yongeye kubishimangira itsinda Tottenham mu buryo bworoshye.
Manchester United ifite umukino w'ikirarane izakina na Crystal Palace ku wa Gatatu, iramutse iwutsinze yasigara irushwa amanota atandatu na Arsenal. Aya makipe yombi kandi afitanye umukino ku Cyumweru tariki 22 Mutarama, bivuze ko Manchester United ishobora gusigamo ikinyuranyo cy'amanota atatu, cyangwa Arsenal ikacyongera.
Varane yashimye cyane uko bagenzi be bari kwitwara(Net-photo)
