Umukinnyi w'iteramakofe w'Umunyamerika Ryan Garcia yahagaritswe umwaka umwe mu mukino w'iteramakofe nyuma yo gusanga yarakoresheje ibiyobyabwenge imiti ibujijwe mbere na nyuma y’umukino.
Iki cyemezo cyafashwe na komisiyo ishinzwe kurwanya ibiyobyabwenge muri Leta ya New York nyuma yuko Garcia apimwe bagasanga yarakoresheje ibiyobyabwenge byo mu bwoko bwa 'Ostarine' mbere yo kurwana na Devin Haney muri Mata uyu mwaka.
Nubwo yahagaritswe umwaka umwe, azanamburwa intsinzi ye ku muri uwo murwano, ndetse asubize n’amafaranga yatsindiye angana na miliyoni 1.1 z'amadolari mu gihe azasabwa gutanga ihazabu y’amadorali ibihumbi 10.
Icyakora, itsinda ry'abunganira Garcia bahakanye aya makuru basobanura ko umukinnyi w'iteramakofe atigeze akoresha imiti ibujijwe mu gihe bavuze ko ibyo birego ari ugusebya uyu mukinnyi w'iteramakofe.
