Myugariro Bugingo Hakim wakiniraga Gasogi United kuva mu 2020 yamaze gusinyira ikipe ya Rayon Sports, nyuma yo gusoza amasezerano muri iyi kipe iyoborwa na KNC.
Amakuru dukesha Igihe avuga ko Rayon Sports yatangiye ibiganiro na Rayon Sports mu mezi atatu ashize, ariko agategereza kureba uko iyi kipe isoza umwaka w'imikino kuko yanifuzwaga na Kiyovu Sports.
Kuba Rayon Sports yarabonye itike yo kuzakina imikino nyafurika ya CAF Confederation Cup, ni kimwe mu byatumye uyu musore w'imyaka 23 yemera gushyira umukono ku masezerano.
N'ubwo ari myugariro w'ibumoso ariko azwiho ubuhanga mu gutsinda, dore ko yatsinze ibitego bine muri shampiyona 2022/2023 ndetse akaba yaranatanze imipira itanu yavuyemo ibitego.
Bugingo Hakim yasinye imyaka ibiri muri Rayon Sports(Image:Igihe)
