Umurundi Nshimiyimana Ismael Pitchou ni umwe mu bakinnyi b'inkingi za mwamba bafashije Kiyovu Sports kuba mu makipe ahatanira igikombe cya shampiyona mu myaka ibiri ishize mu Rwanda.
Nyuma y'uko uyu musore na mugenzi we Bigirimana Abedi bari mu basoje amasezerano muri Kiyovu Sports, biravugwa ko Pitchou na Rayon Sports ibiganiro bigeze kure bikaba byitezwe ko azayikinira mu mwaka utaha w'imikino.
Rayon Sports ikomeje kureba hirya no hino uko yakubaka ikipe izayifasha mu mikino ya CAF Confederation Cup, imikino igiye kwitabirwa bwa mbere nyuma yo kuyikina mu 2020.
Amakuru dukesha Igihe avuga ko ibiganiro hagati y'umukinnyi n'umuhagarariye byamaze kurangira bumvikanye, hakaba hasigaye gushyira umukono ku masezerano akambara ubururu n'umweru.
Rayon Sports ni ikipe yitabiriye isoko ry'igura n'igurisha mbere dore ko iherutse gusinyisha myugariro Bugingo Hakim wakiniraga Gasogi United, ikaba inakomeje gushaka abandi bakinnyi bakomeye.
Pitchou ari ku muryango wa Rayon Sports
