Umuraperi Diddy akomeje guhura n’uruvagusenya kubera ibirego by’ihohoterwa rishingiye ku gitsina, aho ubu umucamanza yamuciye miliyoni 100 z’amadolari nk’igihano kubera ko atasubije kuri kimwe mu birego aregwa.
Derrick Lee Cardello-Smith ubu uri muri gereza, yareze Diddy avuga ko yamusindishije kandi ko yamusambanyije mu birori byabereye i Detroit mu 1997. Cardello-Smith avuga ko banyweye kandi bagasangira urumogi mbere yuko Diddy amukorakora akanamuha ibinyobwa bisindisha byatumye ata ubwenge maze akangutse ayisanga abona Diddy arimo kuryamana n’undi mugore.
Icyakora ngo Diddy ntabwo yigeza asubiza ku byo yarezwe, ari na byo byatumye umucamanza amutegeka gutanga miliyoni 100 z’amadolari y’Amerika, harimo no kujya yishyura miliyoni 10 z’amadorari buri kwezi guhera ku ya 1 Ukwakira uyu mwaka.
Umwunganizi wa Diddy, Marc Agnifilo, yasobanuye ko Cardello-Smith yahoze akora ibyaha by’ubusambanyi kandi ko Diddy atigeze amumenya cyangwa ngo akore ibyo aregwa.
