Leandre Willy Onana yasinyiye Simba SC yo muri Tanzania

Leandre Willy Onana yasinyiye Simba SC yo muri Tanzania

Fabrice NDAYISHIMIYE Fabrice NDAYISHIMIYE  Jun 11, 2023 - 11:55

Umunya-Cameroon Essomba Leandre Willy Onana wari umaze imyaka ibiri akinira ikipe ya Rayon Sports, biravugwa ko yamaze gusinyira ikipe ya Simba SC yo muri Tanzania.

Willy Onana yageze mu ikipe ya Rayon Sports mu ntangiro z'umwaka w'imikino 2021/2022, akaba amasezerano ye yararangiranye n'umwaka w'imikino 2022/2023.

Amakuru dukesha Igihe arahamya ko kuri iki Cyumweru tariki ya 11 Kamena 2023 i Dar es Salaam muri Tanzania, aribwo Willy Onana yasinyiye ikipe ya Simba amasezerano y'imyaka ibiri.

Uyu musore amaze igihe ari mu bakinnyi ngenderwaho b'ikipe ya Rayon Sports dore ko ari nawe wayoboye abatsinze ibitego byinshi muri shampiyona 2022/2023 ndetse yahembwe nk'umukinnyi w'umwaka muri iyi kipe.

Willy Onana amaze igihe kinini avugwa mu bakinnyi bashobora guhabwa ubwenegihugu bw'u Rwanda akajya yitabazwa mu ikipe y'igihugu Amavubi, gusa avuye mu Rwanda bitarakunda.

Onana niwe mukinnyi w'umwaka muri Rayon Sports