Bukayo Saka ni umwe mu bakinnyi bitwaye neza mu gikombe cy'isi mu ikipe y'igihugu y'u Bwongereza, ndetse nyuma yo kuva muri Qatar yakomerejeho akomeza gufasha Arsenal gukusanya amanota muri Premier League.
Amakuru ava Emirates avuga ko uyu musore yiteguye kuba muri Arsenal imyaka itari mike, ikaba ariyo mpamvu yiteguye kongera amasezerano muri iyi kipe yo mu majyaruguru ya London.
Inkuru dukesha ikinyamakuru The Atletic ivuga ko Bukayo Saka yamaze kwemera gusinya amasezerano y'igihe kirekire muri Arsenal, ariko bikaba bishobora gutwara indi minsi kugira ngo asinywe ashyirwe ku mugaragaro.
Bukayo Saka wamaze kubwira ubuyobozi bwa Arsenal ko yifuza kuguma muri iyi kipe, biravugwa ko nasinya ayo masezerano azajya ahembwa ibihumbi bisaga 200 by'amapawundi ku cyumweru.
Bukayo Saka ni imwe mu ntwaro zikomeye za Mikel Arteta
