Tariki 31 Ukuboza 2022, nibwo byamenyekanye ko kapiteni w'Amavubi Haruna Niyonzima yamaze kumvikana n'ikipe ya Al Ta'awon yo muri Libya ndetse ko agomba kwerekezayo bitarenze ibyumweru bibiri.
Kuri uyu wa Kane nibwo Haruna Niyonzima yageze muri Libya yakirwa neza muri iyi kipe ya Al Ta'awon aho agiye kuyifasha kureba uko yakwitwara neza muri shampiyona yo muri iki gihugu.
Haruna yasinye amasezerano y'umwaka n'igice muri iyi kipe, bivuze ko ari gusoza uyu mwaka w'imikino ndetse n'umwaka utaha w'imikino.
Kugeza ubu iyi kipe iri ku mwanya wa gatandatu ku rutonde rw'agateganyo rwa shampiyona ya Libya aho ifite amanota 12 ikaba irushwa amanota atatu na Al Nasr SC iri ku mwanya wa mbere.
Haruna Niyonzima umaze imyaka itari mike muri ruhago y'u Rwanda yamenyekanye akinira Etincelles FC mu 2005, ahava yerekeza muri Rayon Sports yakiniye hagati ya 2006 na 2007 mbere y’uko ajya muri APR FC yakiniye imyaka ine yavuyemo muri 2011 yerekeza muri Yanga Africans yo muri Tanzania akaza no kugera muri mukeba wayo Simba SC.
Haruna yakiriwe muri Libya
