Hakim Sahabo wakiniraga ikipe ya Lille y'abatarengeje umyaka 19 yasinyiye ikipe ya Standard de Liège ikina ikiciro cya mbere mu Bubiligi.
Sahabo w'imyaka 17 yakoresheje urukuta rwe rwa twitter asezera abakinnyi bakinanaga mu ikipe ya Lille, ndetse ashima ibihe byiza yagiriyemo.
Ati:"Igihe kirageze ngo mbasezere. Mwarakoze cyane kunshyigikira bidasanzwe."
Hakim Sahabo asa n'usubiye mu rugo kuko yavukiye mu Bubiligi ndetse akanyura mu makipe y'abato ya Beerschot, Anderlecht, Genk na Mechelen.
Uyu musore ari ku rutonde rw'abakinnyi Carlos Alòs Ferrer yahamagaye azitabaza ku mukino afitanye na Mozambique mu gushaka itike y'Igikombe cy'Afurika kizabera muri Côte d'Ivoire mu 2024.
Sahabo yakiniraga Lille y'abatarengeje imyaka 19
Sahabo ari mu bakinnyi b'Amavubi bazakina na Mozambique
