Umusore ukiri muto w'ikipe y'igihugu Amavubi, Hakim Sahabo, yamaze kwerekanwa nk'umukinnyi mushya w'ikipe ya Standard de Liege yo mu Bubiligi.
Uyu musore wakiniraga ikipe ya Lille yo mu Bufaransa y'abakiri bato, yasinye amasezerano y'imyaka ine muri iyi kipe ikina ikiciro cya mbere mu Bubiligi.
Uyu musore w'imyaka 19 abinyujije ku mbuga ze nkoranyambaga, yagaragaje amashusho ye mu mwambaro w'umutuku w'ikipe ya Standard Liege, aho yari kumwe n'umuryango we.
Gusa n'ubwo uyu musore yasinye muri iyi kipe ya Standard de Liege, arabanzwa kunyuzwa mu ikipe yayo ya kabiri ariko byitezwe ko atazatinda kugera mu ikipe ya mbere.
Hakim Sahabo amaze kumenyerwa nk'umukinnyi witabazwa n'ikipe y'igihugu Amavubi, dore ko n'umukino u Rwanda ruheruka gutsindwamo na Mozambique yari mu kibuga.
Sahabo mu mwambaro wa Standard de Liege
Uyu musore yari kumwe n'umuryango we
View this post on Instagram
