Bikomeje kuvugwa ko ikipe ya Chelsea yatangiye ibiganiro byo kureba uko yasinyisha umunya-Brazil Neymar Jr watakira Paris Saint-Germain yo mu Bufaransa.
Nyuma yo kurekura arenga miliyoni 600 z'amapawundi ariko bikaba bitari gutanga umusaruro, umuherwe wa Chelsea Toddy Boehly aracyashaka gukomeza kubaka ikipe ye.
Inkuru dukesha ikinyamakuru Le Parisien cyandikira mu Bufaransa ivuga ko Toddy Boehly yamaze kwerekeza mu Bufaransa, aho yagiye kuganira na PSG ku byo kuba yasinyisha uyu musore w'imyaka 31.
Mu 2017 nibwo PSG yasinyishije Neymar Jr imutanzeho miliyoni zisaga 200 z'amapawundi, ubu akaba afite amasezerano azarangira mu 2025 n'ubwo amakuru yo gusohoka muri iyi kipe adasiba kuvugwa.
Muri uyu mwaka w'imikino, Neymar amaze gukina imikino 28 mu marushanwa yose, atsindamo ibitego 17 anatangamo imipira 16 yavuyemo ibitego.
Neymar ashobora kuva muri PSG
