Ibikorwa bya Shakira byose bikurikirwa n’abanyamakuru kuri ubu, kuko ubuzima bwe bwite bwabaye inkuru ishyushye kuruta umuziki we.
Gutandukana n’uwahoze ari myugariro wa Barcelona Gerard Pique, byatumye uyu muhanzikazi aba inkuru nyamukuru mu binyamakuru bikomeye ku isi.
Shakira aherutse gutungurana i Barcelona
Kuva ubwo, yahise yimukira i Miami hamwe n’abana b’abo bombi, ariko aherutse gusubira i Barcelona atunguranye.
Yari agiye mu irushanwa rya Formula 1 kuri Circuit de Catalunya, hanze y’umujyi wa Catalonike.
Byatangaje abantu bose kuba yarajyanye abana be i Barcelona muri uru rugendo, ariko icyabaye agashya kurusha ibindi, ni ukuba yararaye mu nzu yahoze abanamo na Pique n’abana babo.
Nkuko ikinyamakuru La Vanguardia kibitangaza, ngo iyi nzu iherereye muri Ciudad Diagonal (Esplugues de Llobregat), hafi ya Barcelona.
Icyakora, mbere yo gusubira i Barcelona muri Kamena, abakozi bashinzwe isuku bari muri uru rugo rwahoze ari urw’umuryango, bari bakozemo isuku yo ku rwego rwo hejuru.
Haribazwa niba Shakira yari agiye kureba umunyamategeko we cyangwa yari agiye kwirebera Lewis Hamilton bivugwa ko bakundana
Nkuko iki kinyamakuru kibitangaza, ngo uyu muhanzikazi ukomoka muri Colombia, yemerewe gusubira ahahoze ari iwe, ariko ubu hafitwe na sosiyete ya Pique Inversiones BCN Two & Two SL.
Ku rundi ruhande, Pique n’aba hafi yr bose, ntibazi impamvu y’uruzinduko rw’uyu mugore i Barcelona, bishobora kuba rwari rugamije guhura n’abamwunganira mu mategeko cyangwa kumarana igihe na Lewis Hamilton.
