Abagande bakomeje kuvuga ko urukundo rwa Shaggy kuri Uganda rutagishidikanywaho. Mu by’ukuri, benshi baranemeza ko aramutse anasabwe kuza muri Uganda uyu munsi, yahita aza atabitekerejeho kabiri.
Sasha Vybz ni umwe mu bahanga mu gutunganya no kuyobora amashusho
Si ibyo gusa kandi, kuko Abagande bemeza ko ngo uyu muhanzi yaba afite umwana mu gihugu cyabo.
Ku rundi ruhande, Sasha Vybz ni umwe mu bafata bakanayobora amashusho bakomeye mu gihugu cya Uganda. Uyu mugabo yafashe amashusho amajana meza y’indirimbo z'abahanzi bo muri Uganda, ndetse no hanze ya Uganda.
Mu by’ukuri rero, Abagande bacitse ururondogoro, nyuma yuko hari ifoto yagiye ahagaragara rurangiranwa Shaggy wakunzwe mu ndirimbo nka “Mr Bombastic”, Umugande Sasha Vybz n’umuhanzi w'Umunyarwanda Bruce Melodie, bari kumwe.
Abagande batekereje byinshi nyuma yo kubona Sasha Vybz, Bruce Melodie na Shaggy
Nyuma yuko iyi foto izengurutse ku mubuga nkoranyambaga by’umwihariko muri Uganda, ni bwo Ababagande batangiye gushimagiza Shaggy, baririmba ko akunda igihugu cyabo, bibaza umushinga mushya yaba afitanye na mugenzi wabo Sasha Vybz, banamushimira ko kuba yagaragaye ari kumwe na we byafunguriye uyu Mugande indi miryango.
Sasha Vybz yagize uruhare mu ndirimbo zikomeye, by'umwihariko muri Uganda
Sasha Vybz yagize uruhare mu mashusho y’indirimbo nka “Weekend” ya Sheebah Karungi na Runtown “Omu Bwatti” ya Fik Fameica na Patoranking, “Go Down Low” ya Sheebah na Pallaso, ndetse n’izindi nyinshi.
Uyu muhanga mu gutunganya no kuyobora amashusho kandi, amakuru avuga ko hari imishinga afitanye na Bruce Melodie by'umwihariko ku muzingo we mushya, gusa muri Uganda bo ntibarimo kubikozwa ahubwo barakeka ko umuhungu wabo yaba afitanye ibanga na Shaggy, uherutse no gukorana na Bruce Melodie indirimbo yitwa "When She's Around" Remix ya Funga Macho isanzwe ari iy'uyu muhanzi wo mu Rwanda.
