Nyuma yo gutsindwa na Tottenham Hotspurs ibutego 2-0 mu mukino wabaye ku wa Gatandatu, biravugwa ko umutoza Graham Potter yatezwe imikino ibiri atayitsinda akirukanwa.
Ikipe ya Chelsea imaze imikino itandatu yose iheruka idatsinda, birushaho kuba bibi cyane aho itabashije kubona igitego mu mikino itatu yose iheruka gukina haba muri shampiyona no muri Champions League.
Inkuru dukesha ikinyamakuru The Telegraph ivuga ko Graham Potter afite umukino wa Leeds United n'uwa Borussia Dortmund nk'urufunguzo rwo kugumana akazi ke, cyangwa se akirukanwa mu gihe ataba ayitwayemo neza.
Graham Potter yatezwe imikino ibiri(Net-photo)
Chelsea iheruka intsinzi ku itariki 15 Mutarama 2023 ubwo iyi kipe yatsindaga Crystal Palace mu mukino wa shampiyona, kuva icyo gihe ntabwo izi uko intsinzi iryoha.
Ni intsinzi imwe gusa Chelsea imaze kubona mu mikino 11 yose imaze gukina mu 2023. Abaherwe bagiye bagaragaza ko bagifitiye ikizere Graham Potter, ariko ubu kwizera kwatangiye kubabana guke.
Chelsea izakira Leeds United ku wa Gatandatu tariki 04 Werurwe 2023, maze yakire Borussia Dortmund mu mukino wo kwishyura wa kimwe cya munani cya UEFA Champions League ku wa Kabiri tariki tariki 07 Werurwe 2023.
Amakuru ava i London avuga ko abarenga ibihumbi 30 by'abafana ba Chelsea bamaze gushyira umukino ku mpapuro zisaba ko uyu mwongereza utoza ikipe yabo yirukanwa.
Muri Nzeri 2022, nibwo Graham Potter yasinye muri Chelsea amasezerano y'imyaka itanu avuye mu ikipe ya Brighton&Hove Albion, akaba ahembwa miliyoni 10 z'amapawundi ku mwaka.
Chelsea ikomeje kubura intsinzi mu 2023 (Image:Getty)
