Kuri uyu wa Gatandatu nibwo ikipe ya AS Kigali yifashishije imbuga nkoranyambaga zayo ishimira Haruna Niyonzima wayigezemo Nyakanga 2021, ubwo yari amaze gutandukana na Yanga Africans yo muri Tanzania.
Niyonzima Haruna yerekeje mu ikipe ya Al Ta'Awon yo muri Libya yasinyemo amasezerano y'umwaka umwe, ikaba ari ikipe ikina ikiciro cya mbere aho ubu iri ku mwanya wa gatandatu mu itsinda rya mbere irimo rigizwe n'amakipe 10.
Biteganyijwe ko uyu mugabo yerekeza muri Libya muri Mutarama 2023 aho biteganyijwe ko atazarenza itariki 15 ataragera muri iyi kipe ya Al Ta'Awon.
Haruna Niyonzima umaze imyaka itari mike muri ruhago y'u Rwanda yamenyekanye akinira Etincelles FC mu 2005, ahava yerekeza muri Rayon Sports yakiniye hagati ya 2006 na 2007 mbere y’uko ajya muri APR FC yakiniye imyaka ine yavuyemo muri 2011 yerekeza muri Yanga Africans yo muri Tanzania akaza no kugera muri mukeba wayo Simba SC.
Haruna Niyonzima arerekeza muri Libya
