Umuraperikazi w’Umunyamerika Ice Spice ndetse n’umuhanzi w’Umwongereza Central Cee bakomeje kuvugisha benshi bakeka ko bakundana
Ni nyuma y’amashusho akomeje gucicikana ku mbuga nkoranyambaga bari kumwe i London, bigatuma benshi bakabakeka amababa.
Yari amashusho bombi bari kumwe mu modoka barimo kuzenguruka mu mujyi wa London ibyishimo ari byose.
Muri iyi minsi Ice Spic ari muri gahunda yo gukora ibitaramo bitandukanye i Burayi, bizabanzirizwa n’icyo azakorera mu Wireless Festival i London ku ya 12 Nyakanga.
Mu kiganiro yagiranye na Los Angeles Times umwaka ushize, Ice Spice yemeje ko afitanye umubano n’umuntu ariko ahitamo kumuhisha kugira ngo abafana be bakomeze kwibanda ku muziki we aho guhugira mu rukundo.
Icyakora Central Cee we bisanzwe bizwi ko ko ari mu rukundo n’umukunzi we, Madeline Argy.
Ni muri ubwo buryo benshi bakomeje kwibaza koko niba ari ubucuti bisanzwe, hari urukundo hagati ye na Ice Spice.
