Ku Cyumweru gishize, umuhanzikazi Bleta Rexha, wamenyekanye mu muziki nka Bebe mu byasabye ko akurwa kuri stage, nyuma yo gukubitwa terefone mu maso n'umufana hagati mu gitaramo.
Igitaramo cyabereye i New York mu ijoro ryo ku Cyumweru, ndetse amashusho yafashwe n’umuntu ukoresha Twitter, Alex Chavez.
Bebe Rexha yatewe terefone arimo kuririmba
Mu ndirimbo hagati, Rexha yatewe terefone mu maso, agwa apfukamye, nuko abantu bava inyuma bihutira kumutabara.
Chavez yanditse ati: "Igitaramo gikomeye rwose cyangijwe n’umufana wateye terefone Bebe Rexha. Twizere ko nyuma y’ibyabaye ameze neza."
Hari nandi mashusho ya Ross Bernaud yerekana uyu muririmbyi arimo gukurwa kuri stage nyuma yo gukubitwa.
Yanditse kuri Twitter ati: "Uyu ni Bebe Rexha asohorwa avuye ahabereye ibitaramo hano muri NYC nyuma yuko umuntu amuteye terefone mu maso ubwo yavaga kuri stage."
Ati: "Twese twagiranye ibihe byiza na Bebe. Twese twari twishimye".
Nyuma byaje kugaragara ko uyu muhanzikazi yajyanwe mu bitaro bya hafi aho, ariko nyuma aza kuvanwayo kuko yaramaze kwitabwaho.
Uwateye Bebe Rexha terefone ari ku rubyiniro yafashwe atabwa muri yombi
Nyuma yaho nijoro, raporo ya NYPD yavuze ko iperereza ryatangiye kandi hari umuntu wafashwe.
Itangazo rya polisi ryagize riti: "Polisi yamenyeshejwe ibyabereye mu gitaramo. Iperereza ry'ibanze ryabereye aho ryerekanye ko umusore w'imyaka 27 yakubise nkana uyu muhanzikazi.
