Ikipe ya APR FC ikomeje urugendo rwo kwiyubaka yitegura umwaka utaha w'imikino aho izakina amarushanwa y'imbere mu gihugu, kongeraho na CAF Champions League.
Iyi kipe ihuze cyane ku isoko kuko abakunzi bayo bari kwakira inkuru z'abakinnyi bashya yasinyishije buri kanya, yongeye kubagezaho inkuru nziza ya rutahizamu yamaze gusinyisha.
Ibinyujije ku mbuga nkoranyambaga zayo nk'uko iri kubigenza, APR FC yemeje ko yamaze gusinyisha umunya-Cameroon witwa Joseph Vianney Apam Majahoun nawe uje gufatanya n'abandi ku rwanda ku ishema rya Gitinyiro.
Uyu musore wakiniraga ikipe ya Apajes FC y'iwabo muri Cameroo, aje yiyongera ku bandi bakinnyi batanu b'abanyamahanga iyi kipe imaze gutangaza kuva isoko ry'igura n'igurisha ryafungurwa.
Ibi bikaba binatiza umurindi ibivugwa ko umubare w'abanyamahanga bemerewe kujya mu kibuga mu Rwanda ari batanu ku ikipe imwe, bashobora kongerwa bakagirwa umunani.
