Nkuko tubikesha ikinyamakuru Africa Fact Zone, aba ni bo bahanzi 10 ba mbere bahabwa agatubutse kugira ngo bemere kuririmba mu gitaramo runaka, urutundo rwiganjemo abahanzi bo mu gihugu cya Nigeria.
Iki kinyamakuru cyakoze uru rutonde nyuma y’amasaha make hadohotse inkuru ko umuhanzi Rema na we yamaze kwinjira mu rwego rw’abahanzi basaba miliyoni y’amadorari kugira ngo baririmbe mu gitaramo kimwe.
Diamond Platnumz na East Africa bisanze ku mwanya wa 11 mu bahanzi bahenze kurusha abandi
Ni urutonde ruyobowe n’abahanzi batandaru bo mu gihugu cya Nigeria, umwe wo muri South Africa, umwe wo mu Misiri, umwe wo muri Ghana, rukabaho abahanzi barindwi bo muri Nigeria muri rusange.
Ikindi cyabaye inkuru ni ukuntu rurangiranwa Diamond Platnumz atagaragara mu 10 ba mbere, aho yisanze ku mwanya wa 11, akurikije n’abarimo Tiwa Savage, Yemi Alade na Flavour.
Ikindi tutarenza ingohe, ni ukuba akarere kacu ka East Africa gahagaririwe n’umuhanzi umwe na we utari mu 10 ba mbere, bigaragaza ko hakiri urugendo rwo kugenda kugira ngo dufate Afurika y’uburengerazuba.
Urutonde rw’abahanzi bahenze kurusha abandi muri Afurika.
1. Wizkid, Burna Boy, na Rema, umwe muri aba ahabwa miliyoni y’amadorari ku gitaramo kimwe
4. Davido - $600,000, ni ukuvuga arenga miliyoni 600 z’amanyarwanda ku gitaramo kimwe.
5. Asake, Olamide - $500,000 bahabwa arenga miliyoni 500.
7. Black Coffee - $300,000
8. Kizz Daniel - $200,000
9. Amr Diab - $170,000
10. Shatta Wale - $120,000
11. Diamond Platinumz na Tiwa Savage - $100,000, ni ukuvuga arenga miliyoni 100 z’amanyarwanda.
13. Yemi Alade - $75,000
14. Flavour - $70,000
