USA: Umwirabura Kevin Johnson yanyonzwe umukobwa we adahari

USA: Umwirabura Kevin Johnson yanyonzwe umukobwa we adahari

 Nov 30, 2022 - 16:21

Nyuma yo kugerageza ibishoboka byose ngo azagere aho se azaba ari kunyongerwa, byarangiye abujijwe kuhagera, se anyongwa adahari.

Abayobozi bavuga ko imfungwa yo muri Missouri yahamijwe icyaha cyo guta mu gaco no kwica umupolisi wo mu gace ka St. Louis yashinjaga urupfu rwa murumuna we, yishwe ejo ku wa Kabiri.

Kevin Johnson w’imyaka 37, yicishijwe inshinge zica, aho yari muri gereza ya Leta iherereye i Bonne Terre. Umuvugizi w’ishami rishinzwe abagororwa rya Missouri, Karen Pojmann yavuze ko iyicwa ryatangiye saa moya n’iminota 29 z’ijoro, maze Johnson bitangazwa ko yapfuye, saa moya n’iminota 40.

Sgt William McEntee, warashwe na Johnson muri 2005[AP]

Yavuze ko Johnson nta jambo rya nyuma yigeze avuga, ndetse ko yanze n'ifunguro rya nyuma.

 McEntee yarashwe aricwa ubwo yagenzuraga imvururu zatewe n’umuriro mu mujyi wa St. Louis Umuyobozi wa Polisi mu gace ka Kirkwood, Jack Plummer, yatangaje ko abapolisi bo mu nzego nyinshi zegeranye ndetse n’umugenzuzi w’imihanda wa Leta ya Missouri bifatanije n’abapolisi ba Kirkwood gushakisha uyu ukekwaho icyaha, Plummer avuga ko yakunze kujya mu gace aho amasasu yabereye.

Johnson yemeye ko yarashe akica umupolisi wa Kirkwood, Sgt. William McEntee mu 2005, ubwo Johnson yari afite imyaka 19.

Edward Keenan, umushinjacyaha wihariye washyizweho n’urukiko, yari yashatse gukuraho igihano cy’urupfu. Keenan yavuze mu bujurire mu rukiko rw’ikirenga rwa Missouri ko urubanza rwa Johnson rurimo amanyanga, ko rushingiye ku  ivanguramoko kandi ko ivangura rishingiye ku ruhu, ryagize uruhare mu gutanga igihano cy’urupfu.

Umwe mu bunganira Johnson, Shawn Nolan, yagize ati: “Ntumwibeshye, Missouri yakurikiranyeho icyaha, ikatira urwo gupfa, ndetse yica Kevin, kubera ko ari umwirabura.

Urukiko rwisumbuye rwa Missouri rwanze guhagarika inyongwa ku wa Mbere. Guverineri Mike Parson, yavuze ko atazababarira Johnson.

Mu itangazo ryasomwe n’umuyobozi w’ishami rishinzwe abagororwa nyuma y’iyicwa ryo ku wa Kabiri, Parson yavuze ko ibyo Johnson yavuze byasuzumwe n’inkiko zitandukanye ariko ko nta rukiko rwigeze ruhindura igihano cye cyangwa ngo rumugire umwere.”

Ati: “Turizera ko ibi bizazana umutuzo ku bakundaga Sgt. McEntee, bakomeje kubabara batamufite.”

Keenan, umushinjacyaha wihariye, yabwiye urukiko rw’ikirenga rwa Leta ko ibiro by’uwahoze ari umushinjacyaha w’intara ya St. Louis, Bob McCulloch, byakemuye imanza eshanu aho abaregwa bashinjwaga kwica abapolisi mu gihe cye. Iyi dosiye ivuga ko McCulloch yasabiye igihano cy’urupfu ku baregwa uko ari bane baregwa, ariko ntiyigeze atanga igihano cyo gupfa mu rubanza ubwo uregwa yari umuzungu.

Kevin Johnson arikumwe n'umukobwa we Khorry Ramey, n'umwuzukuru we Kaius[ACLU]

Umukobwa wa Kevin Johnson, Khorry Ramey w’imyaka 19 y’amavuko, yasabye kenshi kujya kureba se yicwa nk’uko amategeko abiteganya, gusa ku munsi wo ku wa Gatanu ushize, umucamanza yanzuye ko atemerewe kugera aho se azaba ari kunyongerwa, kubera ko ataruzuza imyaka 21.

Amakuru avuga ko Ramey yasuye se mu gitondo cy’ejo ku wa Kabiri, mbere y’uko anyongwa.