Recording Academy itegura ikanatanga ibihembo bya Grammy, yamaze gutangaza bamwe mu bahanzi bemerewe kuzahatanira ibihembo bya Grammy bizatangwa umwaka utaha.
Kuri ubu hamaze kwemezwa abahanzi babiri barimo Beyoncé ndetse n'umuhanzikazi Sabrina Carpenter uhagaze neza muri iyi minsi.
Beyoncé yari yatanze ubusabe, asaba ko album yazahatana mu kiciro cya album nziza iri mu njyana ya County (Best country album), asaba ko iyo yashyize hanze muri Werurwe 2024, yitwa 'Cowboy Carter' ariyo yazahatana, bikaba byamaze kwemezwa.
Ni mu gihe Sabrina Carpenter we ahatanye mu kiciro cy'umuhanzi mwiza mushya (Best new artist).
Grammy ni bimwe mu bihembo ngaruka mwaka bikomeye ku Isi bigiye gutangwa ku nshuro ya 67 tariki 2 Gashyantare 2024, bikazatangirwa mu nyubako ya Crypto.com Arena iherereye i Los Angeles.
Mu gihe Beyoncé yaba abashije kwegukana iki gihembo, kikazaba kibaye icya 33 azaba yibitseho mu mateka y'urugendo rw'umuziki we.
Beyoncé yongeye kuza ku rutonde rw'abahataniye ibihembo bya Grammy
