Elton John mu rugendo rwe rwo gusezera hatahiwe Ubwongereza

Elton John mu rugendo rwe rwo gusezera hatahiwe Ubwongereza

 Dec 3, 2022 - 06:59

Biteganijwe ko Elton John azaririmba mu iserukiramuco rya Glastonbury muri Kamena umwaka utaha, aho abaritegura bavuga ko ari cyo gitaramo cye cyo gusezera ku bafana be mu Bwongereza.

Abategura iri serukiramuco, ku wa Gatanu batangaje ko iki cyamamare kizaririmba mu ijoro ryanyuma ry’ibirori ku ya 25 Kamena, 2023.

John azaba afite imyaka 76 ubwo azaba ari muri icyo gitaramo[BBC]

Kuri Twitter banditse bagira bati: “Twishimiye bidasanzwe gutangaza ko umwe rukumbi Elton John azaba ari ku rubyiniro mu ijoro ryo ku Cyumweru i Glastonbury mu 2023, aho kizaba ari n'igitaramo cye cya nyuma mu Bwongereza, mu ruzinduko rwe rwo kuzenguruka yise Farewell Yellow Brick Road, rukubiyemo ibiramo bye bya nyuma mu mijyi itandukanye.”

Glastonbury ikurura abantu barenga 200,000 muri Worthy Farm mu majyepfo y’iburengerazuba bw'Ubwongerezq baje kureba ibyamamare bikomeye ku isi. Umwaka ushize hari ibyamamare nka: Billie Eilish, Ziggy Marley, Foals, Kendrick Lamar, Olivia Rodrigo na Paul McCartney.

Biteganijwe ko rizasorezwa i Stockholm, muri Suwede muri Nyakanga[CNN]

John yarangije urugendo rwe rwo muri Amerika ya ruguru rw’icyo yise gusezera, Farewell Yellow Brick Road, mu kwezi gushize, mu gitaramo cyabereye muri Los Angeles.

Uru rugendo rwe cyangwa se izenguruka(tour) yarutangiye muri Nzeri 2018 muri Pennsylvania. Nyuma biza gusubikwa muri 2020 kubera icyorezo cya COVID-19, ariko byaje gukomereza muri New Orleans 2021.

Igice cya nyuma cy’izenguruka rye(Farewell Yellow Brick Road), rizabera no muri Australia, Nouvelle-Zélande n’Uburayi umwaka utaha. Biteganijwe ko rizasorezwa i Stockholm, muri Suwede muri Nyakanga