Ckay akomeje kwiharurira inzira zimuganisha ku bigwi bya ba Wizkid

Ckay akomeje kwiharurira inzira zimuganisha ku bigwi bya ba Wizkid

 Oct 18, 2021 - 11:37

Umuhanzi Ckay uri mu bagezweho muri iyi minsi muri afurika amaze guhigika urungano rwe bazanye mu muziki ku rubuga rwa YouTube ajya mu cyiciro kimwe na Wizkid Burna Boy Davido n’abandi.

Umuhanzi Ckay amaze kuzuza miliyoni y’abamukurikira ku rubuga rwa YouTube (Subcribers) aba yinjyiye ku rutonde rw’abahanzi bakomeye muri Afurika babigezeho nka Davido , Burna Boy, Wizkid n’abandi.

Ckay yinjiye ku rutonde rw’abahanzi bakurikirwa cyane ku rubuga rwa YouTube muri Afurika,(Instagram Collaged Photos)

Ckay yujuje miliyoni y’abamukurikira kuri uru rubuga rwa YouTube mu gihe kitageze ku  mezi atatu kuko tariki 28 Nyakanga 2021 aribwo yari yakiriye igihembo cya YouTube gihemba umuntu wujuje ibihumbi 100 by’abamukurikira kuri uru rubuga rwa YouTube.

Ckay yakira igihembo cya YouTube gihemba abujuje ibihumbi 100 yacyakiriye muri Nyakanga, (Ckay Instagram Photo)

Ckay  yanikiriye abahanzi bakomeye mu muziki wa Afurika nka Kizz Daniel , Tiwa Savage , Simi , Mayorkun , n’abandi benshi bose abatanga kuzuza miliyoni y’ababakurikira kuri YouTube (Subcribers).

Ckay yanikiriye abahanzi bakomeye mu muziki wa afurika, (Instagram Collaged Photos)

Uretse kuba Ckay indirimbo ye Love Nwantiti iri kuza ari iya mbere mu ntonde z’imiziki ku isi hose uyu muhanzi yamaze kwanikira bagenzi be barimo Rema umukurikira n’ibihumbi 960 by’abamukurikira ku rubuga rwa YouTube.

Joeboy , Omah Lay , Fireboy n’abandi benshi baracyabarizwa munsi y’ibihumbi 700 by’ababakurikira kuri YouTube (Subcribers)

Ckay yasize abahanzi bari mu kiragano kimwe kubera indirimbo imwe, (Instagram Collaged Photos)

Ckay ni umuhanzi ukiri muto kandi uri kuzamuka neza nyuma yo gusohora indirimbo yitwa Love Nwantiti ikomeje gukora amateka ku isi yamaze gusiga bagenzi be baziye rimwe mu muziki barimo Joeboy ,Rema , Omah Lay, Fireboy n’abandi.

Reba indirimbo ya Ckay yatumye agera kuri aka gahigo “Love Nwantiti"